बाढी पीडितको सहयोगमा जेनजी अभियान :  रसुवामा ४३ परिवारलाई राहत

रसुवा । राष्ट्रिय जेनजी नागरिक अभियानका अभियन्ताहरूले रसुवामा राहत वितरण गरेका छन् । अभियन्ताहरूले जिल्लाको कालिका गाउँपालिका वडा नं–२ मा रहेका ४३ परिवारलाई राहत सामग्री वितरण गरेका हुन्।

भोटेकोसी नदीमा आएको विनाशकारी बाढीका कारण उक्त वडाका ४३ परिवार प्रभावित भएका थिए । कालिका गाउँपालिकाका अध्यक्ष हरिकृष्ण देवकोटा तथा उक्त गाउँपालिका वडा नं. २ का अध्यक्ष उमेश न्यौपानेको रोहवरमा राहत सामग्री हस्तान्तरण गरिएको हो ।