कांग्रेस विवाद : दुवै पक्ष महाधिवेशन तयारीमा, मझधारमा शेखर

नेपाली कांग्रेसका सभापति गगनकुमार थापाले पार्टीको १५औं महाधिवेशन तिथिमिति एक दिन पनि तलमाथि नहुने बताएका छन्।

गिरिजाप्रसाद कोइराला फाउन्डेसनले शुक्रबार आयोजना गरेको कार्यक्रममा थापाले भने, ‘एक दिन पनि, एक घण्टा पनि यसको तिथिमिति तलमाथि सर्दैन। ४ गते (असोज) देखि हाम्रो अधिवेशन प्रक्रिया प्रारम्भ हुन्छ र १६ गतेबाट केन्द्रीय महाधिवेशन प्रारम्भ गर्छौं।’ संस्थापन इतरका नेताहरू महाधिवेशन मिति सर्ने र एकताका लागि पहल हुने आशामा रहेका बेला थापाले महाधिवेशन नसर्ने स्पष्ट गरेका हुन्।