अनुकूलनका लागि कसरी जुटाउने ४५.९ अर्ब डलर ?

विश्वव्यापी हरितगृह ग्यास उत्सर्जनमा नेपालको योगदान ०.०२५ प्रतिशतभन्दा कम छ, जुन प्राज्ञिक तथा प्राविधिक दृष्टिले नगण्य हो। यद्यपि विश्वव्यापी तापक्रम वृद्धिका कारण सिर्जित जोखिमको मुख्य केन्द्रविन्दु नेपाल सहितको हिन्दुकुश–हिमाली भूभाग बनेको छ।

इन्टरगभर्मेन्टल प्यानल अन क्लाइमेट चेन्ज (आईपीसीसी) को छैटौं मूल्याङ्कन प्रतिवेदन तथा अन्तर्राष्ट्रिय एकीकृत पर्वतीय विकास केन्द्र (इसिमोड) का अध्ययनहरू अनुसार औद्योगिक क्रान्तिपूर्वको तुलनामा विश्वव्यापी औसत तापक्रम १.१ डिग्री सेल्सियसले वृद्धि भइसक्दा हिमाली भूगोलमा भने उचाइगत तापक्रम वृद्धिका कारण प्रतिदशक ०.०६ डिग्री सेल्सियसका दरले तापक्रम बढिरहेको छ।