नेपाली पुरुष भलिबलको ऐतिहासिक फड्को: एनभिएलसँगै सुरु भयो फ्रेञ्चाइजी युग

नेपाल भलिबल लिग (एनभीएल) सँगै नेपाली पुरुष भलिबल आधिकारिक रूपमा फ्रेञ्चाइजी युगमा प्रवेश गरेको छ। क्रिकेट, फुटबल र महिला भलिबलमा यसअघि नै सफल मानिएको यो संरचना ढिलो भए पनि पुरुष भलिबलमा सुरु हुनुले नेपाली खेलकुदमा नयाँ आयाम थपेको छ।

नेपाल भलिबल संघ र केडिया ग्रुपबीच २०८१ सालमा भएको सम्झौताको करिब दुई वर्षपछि मैदानमा ओर्लिएको यस लिगले नेपाली भलिबललाई दिगो र व्यावसायिक बनाउने आशा जगाएको छ।