एसीसी प्रिमियर कपको उपाधि नेपाललाई, एसिया कपमा दोस्रो पटक छनोट

काठमाडौं । एसीसी पुरुष प्रिमियर कपको फाइनलमा यूएईलाई पराजित गर्दै नेपाल २०२७ एसिया कपका लागि छनोट भएको छ ।

मलेसियाको क्वालालम्पुरस्थित बायुएमास क्रिकेट ओभलमा शनिबार भएको खेलमा नेपालले यूएईलाई ४४ रनले पराजित गरेको हो । यससँगै नेपाल दोस्रो पटक एसिया कपका लागि छनोट भएको छ । यसअघि, नेपाल पहिलो पटक सन् २०२३ मा एसिया कपका लागि छनोट भएको थियो ।