नेपाल एसीसी प्रिमियर कपको च्याम्पियन, यूएईलाई ४४ रनले हराउँदै एसिया कपमा छनोट

काठमाडौं । नेपाल एसीसी प्रिमियर कप क्रिकेटको च्याम्पियन बनेको छ । शनिबार मलेसियाको वायुमास ओभलमा भएको फाइनलमा यूएईलाई ४४ रनले पराजित गर्दै नेपालले उपाधि जित्नुका साथै आगामी एसिया कपका लागि पनि स्थान सुरक्षित गरेको छ ।

नेपालले दिएको ३१४ रनको लक्ष्य पछ्याएको यूएई ४९.१ ओभरमा २६९ रनमा अलआउट भएपछि नेपालले सहज जित निकालेको हो । नेपालले ब्याटिङ र बलिङ दुवैमा उत्कृष्ट प्रदर्शन गर्दै महत्वपूर्ण फाइनलमा यूएईलाई पराजित गरेको हो ।