सिंहदरबारमै शक्ति केन्द्रित गर्ने शासकीय मनोविज्ञानले संघीयता कमजोर

काठमाडौं । संघीयता कार्यान्वयनको एक दशकसम्म यसको पक्ष र विपक्षमा बहस अझै जारी छ । कतिपयले संघीयता महँगो र खर्चिलो रहेको भन्दै नेपालले धान्न नसक्ने तर्क गरिरहेका छन् । यो तर्क तथ्यसंगत नरहेको र संघीयताप्रति नकारात्मक भाष्य निर्माणका लागि जिम्मेवार रहेको बताइरहेका छन् । विज्ञ तथा सांसदहरूले संघीयता आफैँमा खर्चिलो र कमजोर प्रणाली नरहेको उल्लेख गरेका छन् ।

शासकीय मनोविज्ञानका कारण प्रदेशलाई कानुनी र आर्थिक हिसाबले सबल नबनाउँदा संघीयता कमजोर बन्दै गएको सांसद तथा विज्ञहरूको मत रहेको छ । संघीयतालाई बलियो बनाउनका लागि साधन स्रोत तथा शक्ति सिंहदरबारमै केन्द्रित गर्ने शासकीय मनोविज्ञान अन्त्य हुनुपर्ने उनीहरुले बताएका छन् ।