गाउँ असुरक्षित बन्दैछन्, अपराधविरुद्ध सबै एकजुट बनौँ

खुला आर्थिक नीति, खुला बजार, सूचना तथा सञ्चार प्रविधिको तीव्र विकास र भूमण्डलीकरणले हाम्रो जीवनशैलीमा ठूलो परिवर्तन ल्याएको छ। आज हरेक मानिस आधुनिक भौतिक सुविधा प्राप्त गर्न चाहन्छ। तर ती सुविधा प्राप्त गर्न पैसा आवश्यक हुन्छ।

मेहनत र श्रमबाट जीवन धान्ने संस्कार कमजोर हुँदै जानु, रोजगारीका पर्याप्त अवसर सिर्जना हुन नसक्नु र छोटो बाटोबाट पैसा कमाउने प्रवृत्ति बढ्दै जानुले समाजमा विभिन्न प्रकारका विकृति र अपराधका घटना देखिन थालेका छन्।