नेपालको बजेटबारे बोले विश्व बैंकका प्रतिनिधि, दिए महत्वपूर्ण सुझाव

काठमाडौं । नेपालका लागि विश्व बैंकका आवासीय प्रतिनिधि डेभिड सिस्लेनले नेपाल सरकारले प्रस्तुत गरेको बजेट सही समयमा सही दिशा समात्न सफल भएको बताएका छन्।

नेपालबाट हरेक दिन करिब दुई हजार नागरिक रोजगारीको खोजीमा विदेशिन बाध्य रहेको उल्लेख गर्दै उनले बजेटले यही चुनौतीलाई सम्बोधन गर्ने प्रयास गरेको बताए । उनका अनुसार सरकारले सबै क्षेत्रलाई सन्तुष्ट पार्ने परम्परागत शैलीभन्दा आर्थिक वृद्धि र रोजगारी सिर्जनामा केन्द्रित रहेको जनाए ।