कुन राजनीतिक दलले सरकार चलायो भन्ने हैन : बानियाँ

बागमती प्रदेशका निवर्तमान मुख्यमन्त्री इन्द्रबहादुर बानियाँले जुनसुकै सरकारले गरेको राम्रो कामलाई राजनीतिक आग्रह–पूर्वाग्रहभन्दा माथि उठेर समर्थन गर्नुपर्ने बताएका छन्।

शनिबार हेटौँडामा आयोजित निर्माण व्यवसायी संघ मकवानपुरको २६औँ वार्षिक साधारण सभा तथा १२औँ अधिवेशनलाई सम्बोधन गर्दै बानियाँले संघीय सरकारले निर्माण व्यवसायीका लागि ल्याएको औसत बोलपत्र प्रणाली र निर्माण आयोजनाको पुनःतालिकीकरणको व्यवस्थालाई सकारात्मक रूपमा लिनुपर्ने बताए।