असन्तुष्टिको आगोमा उदाएको रास्वपा अब ‘परीक्षा’ को चरणमा :  चालिसे

काठमाडौँ । नेपाली कांग्रेसका प्रवक्ता देवराज चालिसेले राष्ट्रिय स्वतन्त्र पार्टी (रास्वपा) लाई लक्षित गर्दै असन्तुष्टिको चौतारोबाट देश चलाउन नसकिने टिप्पणी गरेका छन्। रास्वपाको उदय र त्यसले अङ्गालेको कार्यशैलीप्रति कटाक्ष गर्दै उनले अब रास्वपाको ‘असली परीक्षा’ सुरु भएको बताएका छन् ।

रातोपाटीसँग कुरा गर्दै प्रवक्ता चालिसेले विगतमा अन्य दल र सरकारका कमजोरीलाई ऐना बनाएर रास्वपा उदाएको उल्लेख गर्दै अहिले सोही प्रश्न जनताले रास्वपातिर तेर्स्याएको बताए । उनले भने, ‘हिजो अरूलाई प्रश्न गर्नु रास्वपाको राजनीतिक पुँजी थियो, तर आज उनीहरू आफैँ उत्तर दिने ठाउँमा छन्। हिजोको असफलतालाई निन्दा गरेर आजको सफलता प्रमाणित हुँदैन।’