विपद्को पूर्वतयारीमा काभ्रे: तीन वर्षमा १४ हजार घटना, ७ पालिका उच्च जोखिममा

विपद्पछि मात्रै उद्धार र राहतमा जुट्ने अभ्यासलाई बदल्दै काभ्रेपलाञ्चोक जिल्लाले जोखिम पहिचान, पूर्वसूचना प्रणाली र पूर्वतयारीलाई प्राथमिकतामा राखेको छ।

विगत तीन आर्थिक वर्षमा मात्रै १४ हजारभन्दा बढी विपद्का साना–ठूला घटना बेहोरेको यस जिल्लाले पूर्वतयारीमार्फत मानवीय र भौतिक क्षति न्यूनीकरण गर्ने रणनीति अख्तियार गरेको हो।