जनकपुरमा ९ दलीय अग्रगामी मोर्चाको भेला, उपेन्द्रदेखि सीके राउतसम्मले सरकारको आलोचना गरे

जनकपुरधाम । जनकपुरमा ‘९ दलीय अग्रगामी मोर्चा’ले मधेश प्रदेशस्तरीय भेला तथा अभिमुखीकरण कार्यक्रम गरेको छ । भेलालाई मोर्चामा आबद्ध दलका शीर्ष नेताहरू उपेन्द्र यादव, डा. सीके राउत, जनार्दन शर्मा, प्रभु साहलगायतले सम्बोधन गरे ।

जनता समाजवादी पार्टी नेपालका अध्यक्ष उपेन्द्र यादवले मधेश प्रदेश निर्माण भए पनि अब ‘मधेश राज्य’ निर्माणका लागि सङ्घर्ष गर्नुपर्ने बताए । आफ्नै शासन–प्रशासन, कानुन र भाषाको अधिकार सुनिश्चित नभएसम्म मधेशी जनताले पूर्ण अधिकार प्राप्त गर्न नसक्ने उनको भनाइ थियो ।