डाँडाबजारको काखमा ‘सुनाखरी’को सुवास : वैदेशिक रोजगारी त्यागेर होमस्टेमा जमेका दीपकको कथा

धरानको कोलाहलबाट करिब २५ मिनेटको गाडी यात्रापछि जब तपाईं पहाडको उकालो लाग्नुहुन्छ, हावापानीमा एउटा छुट्टै ताजगी महसुस हुन्छ ।

धनकुटाको साँगुरीगढी गाउँपालिका वडा नम्बर ५ मा अवस्थित डाँडाबजार पुग्दा लाग्छ, प्रकृतिको एउटा सुन्दर क्यानभासमा तपाईं भर्खरै प्रवेश गर्नुभयो । त्यही डाँडाबजारको एउटा कुनामा छ- ‘सुनाखरी निजी होमस्टे’। जहाँ दीपक बस्नेत र उनकी पत्नी अप्सना मगर बस्नेतले पाहुनालाई ‘आफ्नै घर’को आभास गराइरहेका छन् ।