ब्रिक्स शिखर सम्मेलन : पहलगाम हमलादेखि गाजासम्म, नयाँ दिल्ली घोषणापत्रमा के-के भयो सहमति ?

नयाँ दिल्ली । भारतको नयाँ दिल्लीमा आयोजित ब्रिक्स शिखर सम्मेलनमा सदस्य राष्ट्रहरूले ‘२०२६ नयाँ दिल्ली घोषणापत्र’ स्वीकार गर्दै विश्वव्यापी शासन व्यवस्था, आतंकवाद, पश्चिम एसिया, व्यापार, प्रविधि, वित्तीय सहयोग तथा महिलाको सहभागितालगायत विषयमा साझा धारणा सार्वजनिक गरेका छन् ।

घोषणापत्रमा अन्तर्राष्ट्रिय निर्णय प्रक्रियामा ग्लोबल साउथको आवाजलाई अझ बढी महत्व दिनुपर्नेमा ब्रिक्स राष्ट्रहरूले जोड दिएका छन् । संयुक्त राष्ट्रसंघको उच्च नेतृत्व तहमा भौगोलिक सन्तुलन र व्यापक प्रतिनिधित्व सुनिश्चित गर्नुपर्ने मागसमेत गरिएको छ ।