करार डाक्टर: सेवा कर्णालीमा, तलब अन्योलमा

सरकारी छात्रवृत्तिमा चिकित्सा शिक्षा अध्ययन पूरा गरी कर्णालीका दुर्गम गाउँमा पुगेका चिकित्सक तथा स्वास्थ्यकर्मीहरू विगत दुई महिनादेखि पारिश्रमिकविहीन बनेका छन्।

दुर्गमका नागरिकलाई उपचार सेवा दिने उद्देश्यसहित खटिएका करार सेवाका चिकित्सकहरूले लामो समयदेखि तलब भत्ता नपाउँदा दैनिक जीवनयापनमा समस्या झेल्नुपरेको छ।