कालीकोटमा स्वास्थ्य बिमा सेवा बन्द, बिरामी मारमा

सरकारले सञ्चालन गरेको स्वास्थ्य बिमा कार्यक्रम संकटमा पर्दा सेवाग्राहीमा प्रत्यक्ष असर परेको छ। कालीकोट जिल्ला अस्पतालबाट बिमा मार्फत उपचार नपाएर सेवाग्राहीहरू खाली हात फर्किन थालेका छन्। लामो समयदेखि भुक्तानी नपाउँदा अस्पतालले ठूलो घाटा व्यहोर्नुपरेको भन्दै जेठ २४ गतेदेखि स्वास्थ्य बिमा सेवा बन्द गरेको हो।

बिमा कार्ड बोकेर अस्पताल पुगेका सेवाग्राहीले औषधि, परीक्षण र उपचारका लागि आफ्नै खर्च गर्न बाध्य भएका छन्। खाँडाचक्र नगरपालिकाका टेकबहादुर शाही स्वास्थ्य बिमाको कार्ड बोकेर जिल्ला अस्पताल मान्म पुगे।