मुग्लिन–पोखरा सडकको पश्चिम खण्ड निर्माण अझै सुस्त

काठमाडौँ । पृथ्वीराजमार्गअन्तर्गत मुग्लिन–पोखरा सडक स्तरोन्नति आयोजनाको पश्चिम खण्डको निर्माण कार्य निकै सुस्त बनेको छ। पाँच वर्षअघि सुरु भएको यस सडक विस्तार तथा स्तरोन्नति आयोजनाको पटक–पटक म्याद थप गर्दासमेत काम पूरा हुन सकेको छैन। तनहुँको जामुनेदेखि पोखराको सेतीपुलसम्मको ३८.७१ किलोमिटर सडकखण्ड यस पश्चिम खण्डअन्तर्गत पर्दछ।

आयोजनाको म्याद गत पुस महिनामा तेस्रोपटक थप गर्दै आगामी असार १५ गतेसम्म पुर्‍याइएको थियो। तर, पछिल्लो समयको सुस्त प्रगतिलाई हेर्दा निर्धारित अवधिभित्र निर्माण कार्य सम्पन्न नहुने अनिश्चित बनेको छ।