ईभी बिक्री उछालिँदै, विश्व कार बजारको एक तिहाई हिस्सा ओगट्ने संकेत

विद्युतीय सवारीसाधन (ईभी) र प्लग–इन हाइब्रिड गाडीहरूले यस वर्ष विश्वव्यापी कार बिक्रीको झन्डै ३० प्रतिशत हिस्सा ओगट्ने अपेक्षा अन्तर्राष्ट्रिय ऊर्जा एजेन्सी (आईईए) ले गरेको छ। पश्चिम एसियाको ऊर्जा संकट र ब्याट्रीको मूल्यमा आएको गिरावटका कारण ईभीको माग बढ्दै गएको हो।

तेलको मूल्य वृद्धि ईभीको माग बढ्नुको अर्को कारण बन्ने अपेक्षा गरिएको छ। तर आईईएको पछिल्लो प्रतिवेदनले इरानसँगको युद्धले विश्व अर्थतन्त्रमा पार्न सक्ने प्रभावका कारण उपभोक्ता खर्चमा कमी आउन सक्ने चेतावनी पनि दिएको छ।