किन लोप हुँदैछ सनपाट खेती ?

महोत्तरी / आधुनिक जीवनशैली, युवापुस्ता विदेशिनु र खेतीप्रति रुचि घट्दै गएकाले महोत्तरीका बस्तीबाट सनपाट खेती लोप हुने अवस्थामा पुगेको छ ।

केही दशक पहिलेसम्म महोत्तरीका बस्तीबस्तीका किसान सनपाटखेतीमा लाग्ने गरेका थिए । अचेल भने यहाँका फाँटमा न सनपाट देखिन्छ, न त यो खेती गर्नेमा युवा पुस्ताको आकर्षण छ । किसानका गोठमा पशुवस्तु घट्दै गएसँगै सनपाटको खेती पनि मासिँदै गएको जानकारहरू बताउँछन् ।