मुस्ताङ भन्सारमा १५ दिनमै पौने दुई अर्ब राजस्व

मुस्ताङ – नेपाल–चीन उत्तरी कोरलानाकास्थित लोमान्थाङ–४ न्हेचुङमा रहेको मुस्ताङ भन्सार कार्यालयले १५ दिनमै १ अर्ब ७८ करोड ४४ लाख रुपैयाँ राजस्व सङ्कलन गरेको छ ।

रसुवागढी–केरुङ र तातोपानी नाका अवरुद्ध भएपछि मुस्ताङको कोरलानाकाबाट चिनियाँ मालवस्तुको पैठारी ह्वात्तै बढेको छ । भन्सार प्रमुख विदुर चुडालका अनुसार शुक्रबार मात्रै एकै दिन २७ करोड ११ लाख रुपैयाँ राजस्व उठेको छ । भदौ २२ यता दैनिक औसत ३० करोड रुपैयाँको हाराहारीमा राजस्व संकलन भइरहेको चुडालले बताए ।