ला लिगा : रियल जितमा एमबापेको दुई गोल

काठमाडौं । किलियन एमबापेले गरेको दुई गोलको मदतले स्पेनी ला लिगामा रियल म्याड्रिडले शनिबार रायो भालेकानोलाई ४–१ ले हराएको छ । पछिल्लो साता बेटिससँग पराजित भएयता रियल फेरि जितको बाटोमा फर्केको हो ।

एमबापेले पेनाल्टीबाट १४ औं मिनेटमा पहिलो गोल गरेपछि दोस्रो हाफको इन्ज्युरी समयमा अर्को गोल गरे । यसबीच अल्भारो फर्नान्डेज र जुड बेलिंघमले एक एक गोल थपे । भालेकानोको तर्फबाट सर्जियो कमेलोले एक गोल फर्काए ।