काठमाडौंमा ग्यास सहज रूपमा बिक्री नगर्ने र लुकाएर राख्नेलाई कारबाही गर्ने प्रशासनको चेतावनी

काठमाडौं जिल्ला प्रशासन कार्यालयले खाना पकाउने ग्यास सहज रूपमा बिक्री नगर्ने तथा ग्यास लुकाएर राख्ने विक्रेता तथा वितरकमाथि कडा कारबाही गर्ने चेतावनी दिएको छ।

काठमाडौंमा ग्यासको आपूर्ति भइरहेको भए पनि उपभोक्ताले सहज रूपमा ग्यास प्राप्त गर्न नसकेको गुनासो बढ्दै गएपछि प्रशासनले ग्यास विक्रेता तथा वितरकलाई ग्यास प्राप्त हुनासाथ जुनसुकै समयमा उपभोक्तालाई बिक्री गर्न निर्देशन दिएको हो।