केन्यामा विद्यालयमा आगलागी : १६ विद्यार्थीको मृत्यु, दर्जनौँ घाइते

नैरोबी । केन्याको राजधानी नैरोबीबाट करिब १२० किलोमिटर पश्चिममा रहेको गिलगिल क्षेत्रमा एक विद्यालयको छात्रावासमा भएको आगलागीमा कम्तीमा १६ जना विद्यार्थीको मृत्यु भएको स्थानीय प्रहरीले जनाएको छ । घटनामा ७४ जना विद्यार्थी घाइते भएका छन् ।

उनीहरूको अस्पतालमा उपचार भइरहेको अधिकारीहरूले बताएका छन् । यो आगलागी गिलगिलस्थित उतुमिशी गर्ल्स स्कुलमा बिहीबार बिहान सबेरै भएको हो । अधिकांश विद्यार्थीहरू सुतिरहेको समयमा घटना भएको बताइएको छ ।