मलेसिया रोजगारीमा सरकारी कडाइ : २५ म्यानपावर छानबिनमा, २५० को पूर्वस्वीकृति रोकियो

काठमाडौं । मलेसिया रोजगारीमा सीमित म्यानपावर कम्पनीमार्फत मात्रै श्रमिक पठाउने गरी बनाइएको संरचनामा सिन्डिकेटको आशंका भएपछि सरकारले छानबिन अघि बढाएको छ।

युवा, श्रम तथा रोजगार मन्त्रालयको निर्देशन र भदौ २६ गतेको मन्त्रीस्तरीय निर्णयपछि वैदेशिक रोजगार विभागले मलेसियाको विदेशी श्रमिक केन्द्रिकृत व्यवस्थापन प्रणाली (एफडब्लुसिएमएस) मा आबद्ध नेपाली म्यानपावर कम्पनीमाथि निगरानी र अनुसन्धान थालेको हो।