इटहरीमा मोटरसाइकल दुर्घटना : प्रशासन कार्यालयमा कार्यरत कर्मचारीसहित २ को मृत्यु

इटहरी- इटहरीमा मोटरसाइकल दुर्घटना हुँदा जिल्ला प्रशासन कार्यालय सुनसरीमा कार्यरत कर्मचारी सागर रेग्मीसहित दुईजनाको मृत्यु भएको छ। आज (आइतबार) बिहानको राति करिब २ः५० बजेतिर इटहरीबाट इनरुवातर्फ जाँदै गरेको प्रदेश १–०२–०४३ प ५५१४ नम्बरको मोटरसाइकल इटहरी उपमहानगरपालिका–७ बालग्राममा दुर्घटनामा परेको थियो ।

दुर्घटनामा जिल्ला प्रशासन कार्यालय सुनसरीमा कार्यरत कर्मचारी, इनरुवा नगरपालिका–३ का अन्दाजी ३४ वर्षीय सागर रेग्मी र सोही स्थानका २९ वर्षीय पारस थापाको मृत्यु भएको जिल्ला प्रशासन कार्यालय सुनसरीका प्रमुख जिल्ला अधिकारी ईश्वरीप्रसाद अर्यालले पुष्टि गरे।