अस्कर अवार्ड प्रतिस्पर्धाका लागि नेपालबाट ‘तिनीहरू’ सिफारिस

२८ भदौ, काठमाडौं । द एकेडेमी अफ मोशन पिक्चर आर्ट्स एन्ड साइन्सेस (द अस्कर) द्वारा सन् २०२७ मा प्रदान गरिने ९९औँ एकेडेमी अवार्ड्स प्रतिस्पर्धाको ‘अन्तर्राष्ट्रिय फिचर चलचित्र’ विधाका लागि नेपालको तर्फबाट चलचित्र ‘तिनीहरू-एलिफेन्ट्स इन द फग’ छनोट भएको छ ।

अन्तर्राष्ट्रिय फिचर चलचित्र छनोट समिति (नेपाल) का अध्यक्ष लक्ष्मीनाथ शर्माद्वारा आइतबार जारी प्रेस विज्ञप्तिअनुसार, उक्त अवार्ड प्रतिस्पर्धाका लागि नेपालबाट दुई वटा कथानक चलचित्रहरू ‘तिनीहरू-एलिफेन्ट्स इन द फग’ र ‘गौँथली’ आवेदनका रूपमा प्राप्त भएका थिए ।