भारत र चीनबीचको प्रतिस्पर्धात्मक सहकार्यबाट नेपालले अधिकतम लाभ लिनुपर्छ : बाबुराम

२८ भदौ, काठमाडौं । पूर्वप्रधानमन्त्री डा. बाबुराम भट्टराईले दुई ठूला छिमेकी मुलुक भारत र चीनबीच सम्भावित बढ्दो प्रतिस्पर्धात्मक सहकार्यबाट नेपालले अधिकतम लाभ उठाउनुपर्ने बताएका छन्।

दिल्लीमा जारी ब्रिक्स प्लस शिखर सम्मेलन र त्यस क्रममा चिनियाँ राष्ट्रपति तथा भारतीय प्रधानमन्त्रीबीच भएको द्विपक्षीय वार्ताका संकेतहरू निकै सकारात्मक रहेको भन्दै उनले बदलिँदो भू–राजनीतिक अवस्थामा नेपालले सुझबुझपूर्ण कूटनीति अपनाउनुपर्नेमा जोड दिएका हुन्।