ओली हटाउने र नहटाउने किचलोबीच एमाले पुनर्गठन कार्यदलको बैठक काभ्रेको रिसोर्टमा जारी

काठमाडौं– पार्टी पुनर्गठनमा किचलो बढिरहेको बेला नेकपा एमालेद्वारा गठित निर्वाचन समीक्षा तथा पार्टी पुनर्गठन कार्यदलको आवासीय बैठक काभ्रेको एक रिसोर्टमा बसिरहेको छ।

बैठकमा कार्यदलका संयोजक एवं उपाध्यक्ष रामबहादुर थापा र कार्यदलका सदस्यसचिव एवं पार्टी महासचिव शंकर पोखरेलका छुट्टाछुट्टै प्रतिवेदनमाथि छलफल भइरहेको छ। यसअघि शुक्रबार बसेको कार्यदलको बैठकमा संयोजक थापाले पार्टी अध्यक्ष केपी शर्मा ओलीको चाहनाअनुसारको छुट्टै प्रतिवेदन ल्याएपछि थप छलफल आवश्यक ठानिएको थियो।