जेनजी आन्दोलनमा नक्खुबाट भागेका थिए, १ करोड ३९ लाखभन्दा बढी रकम ठगेको आरोपमा पक्राउ परे

काठमाडौँ- सुनजस्तो देखिने पहेँलो धातु देखाई १ करोड ३९ लाखभन्दा बढी रकम ठगी गरेको आरोपमा प्रहरीले काठमाडौँमा एक व्यक्तिलाई पक्राउ गरेको छ।

जिल्ला प्रहरी परिसर काठमाडौँले आज आइतबार दिएको जानकारीअनुसार काठमाडौँ, टोखा नगरपालिका ९ मिलन टोलस्थित एक गेस्ट हाउसबाट प्रहरी प्रभाग गोंगबु नयाँ बसपार्कबाट खटिएको प्रहरी टोलीले सुनजस्तो देखिने पहेँलो धातु देखाई पटकपटक गरी १ करोड ३९ लाख ३० हजार रकम ठगी गरेका ओखलढुंगा सिद्धिचरण नगरपालिका १ घर भई काठमाडौँको नयाँ बसपार्क बस्ने २८ वर्षीय अनिष थापा मगरलाई पक्राउ गरेको हो।