कोरला नाकाबाट नेपाल भित्रियो चिनियाँ मिनी ट्रेलर

काठमाडौं– नेपाल–चीन सीमामा रहेको कोरला नाका हुँदै गाडी तान्ने चिनियाँ मिनी ट्रेलर नेपाल भित्रिएको छ। उक्त ट्रेलर हाल मुस्ताङ भन्सार कार्यालयको यार्ड न्हेचुङमा जाँचपासका लागि पार्किङ गरिएको छ ।

भन्सार कार्यालयका अनुसार उक्त चिनियाँ मिनी ट्रेलरले ५० टन क्षमतासम्मका गाडी तान्न सक्ने क्षमता राख्छ । कोरला नाका हुँदै नेपाल भित्रिएको यो ट्रेलरको आवश्यक प्रक्रिया पूरा गरी जाँचपास गरिने भन्सार कार्यालयले जनाएको छ ।