बाढी प्रभावित क्षेत्रमा नेपाल चिकित्सक संघद्वारा स्वास्थ्य सामग्री र औषधि सहयोग

विदुर — नेपाल चिकित्सक संघले बाढी प्रभावित क्षेत्रमा स्वास्थ्य सेवा सहज बनाउन स्वास्थ्य सामग्री तथा औषधि सहयोग गरेको छ। संघले विदुर नगरपालिकाका प्रमुख राजन श्रेष्ठलाई स्वास्थ्य सामग्री तथा औषधि हस्तान्तरण गरेको हो।

संघले बाढी प्रभावित नागरिकको स्वास्थ्य उपचारमा तत्काल आवश्यक पर्ने सामग्रीअन्तर्गत २५ थान ब्लड प्रेसर कफ, २५ थान स्टेथोस्कोप, २५ थान पल्स अक्सिमिटर र २५ थान थर्ममिटर उपलब्ध गराएको छ। त्यस्तै, प्रभावित क्षेत्रमा सुरक्षित खानेपानीको व्यवस्थाका लागि पानी शुद्धीकरण गर्ने ‘पीयूष’ केमिकल तथा आवश्यक औषधिसमेत उपलब्ध गराइएको संघले जनाएको छ।