हेटौँडामा खैरो हिरोइनसहित ३ जना पक्राउ

हेटौँडा । मकवानपुरको हेटौंडाबाट लागुऔषध खैरोहिरोइनसहित ३ जनालाई प्रहरीले पक्राउ गरेको छ ।

जिल्ला प्रहरी कार्यालय मकवानपुर र वडा प्रहरी कार्यालय सानोपोखराको संयुक्त विशेष टोलीले हेटौँडाका विभिन्न स्थानमा सञ्चालन गरेको ‘स्वीप अप्रेसन’का क्रममा खैरो हिरोइनसहित उनीहरूलाई पक्राउ गरेको हो । लागु औषधको बिक्री वितरण तथा कारोबार भइरहेको विशेष सूचनाका आधारमा आइतबार प्रहरीले उनीहरूमाथि कारबाही चलाएको जिल्ला प्रहरी कार्यालयका प्रवक्ता प्रहरी नायब उपरीक्षक माधव काफ्लेले जानकारी दिए ।