संसद् ‘बस्नुस–उठ्नुस’ प्रतियोगिता जस्तो बन्यो: सभामुखले बस्नुस् मात्र भन्ने ?

प्रतिनिधिसभा सदस्य राजीव खत्रीले संसद्को कार्यशैलीमाथि व्यंग्य गर्दै बैठक सञ्चालनमा ठूलो खर्च भए पनि उपलब्धि भने शून्यजस्तै हुने गरेको टिप्पणी गरेका छन्।

सामाजिक सञ्जाल फेसबुकमार्फत धारणा सार्वजनिक गर्दै उनले संसद् बैठकमा सहभागी सांसदका लागि गाडी भाडा र भत्ता शीर्षकमा प्रतिव्यक्ति दुई हजार रुपैयाँ छुट्याइने गरेको उल्लेख गरेका छन्। उनका अनुसार २ सय ७५ सांसदको हिसाब गर्दा एकै दिनमा मात्रै ५ लाख ५० हजार रुपैयाँ खर्च हुने गरेको छ।