इजी हेल्थकेयरले ल्यायो ‘इजीकेयर ३६५’

७ असार, काठमाडौं। स्वास्थ्य सेवालाई थप सहज, पहुँचयोग्य र किफायती बनाउने उद्देश्यसहित इजी हेल्थकेयर १०१ ले ‘इजीकेयर ३६५’ नामक स्वास्थ्य सदस्यता (मेम्बरसिप) प्लेटफर्म सार्वजनिक गरेको छ।

जुन १९ मा आयोजित कार्यक्रममा कम्पनीले डिजिटल स्वास्थ्य सेवा प्लेटफर्मको औपचारिक शुभारम्भ गर्दै नेपालभरका व्यक्ति तथा परिवारलाई गुणस्तरीय र निरन्तर स्वास्थ्य सेवा उपलब्ध गराउने लक्ष्यसहित सेवा सञ्चालनमा ल्याएको जनाएको छ।