नदीजन्य पदार्थ उत्खनन् गर्ने सात ट्याक्टर कारबाहीमा

दाङ प्रहरीले अवैध रूपमा नदीजन्य पदार्थ ओसार–पसारमा संलग्न सात ट्याक्टर नियन्त्रणमा लिइ कारबाही गरेको छ। जिल्ला प्रहरी कार्यालय दाङ तथा मातहतका प्रहरी कार्यालयबाट खटिएको टोलीले ढुङ्गा, बालुवा र गिट्टी अवैध रूपमा ढुवानी गरिरहेका सात वटा ट्याक्टर नियन्त्रणमा लिएको जिल्ला प्रहरी कार्यालय दाङका सूचना अधिकारी तथा प्रहरी नायव उपरीक्षक डा. हेमबहादुर केसीले जानकारी दिनुभयो ।

असार १ गतेदेखि ५ गतेसम्म जिल्लाका विभिन्न स्थानमा निगरानी तथा अनुगमनका क्रममा उक्त ट्याक्टर नियन्त्रणमा लिइ कार्वाही गरेको उहाँले बताउनुभयो । उहाँको अनुसार नियन्त्रणमा लिइएका सवारी साधनलाई आवश्यक कारबाहीका लागि सम्बन्धित निकायमा बुझाइएको छ । कारबाहीपछि ती ट्याक्टरमाथि कुल एक लाख ४५ हजार ८०९ रुपियाँ जरिवाना गरिएको सूचना अधिकारी डा. केसीले जानकारी दिनुभयो।