मुक्कुमलुङ : पहाडको चेतावनी

पछिल्ला वर्षहरूमा भोटेकोशी तथा रोशी नदीमा आएको विनाशकारी बाढी सहित देशका अन्य संवेदनशील भूभागमा देखिएका सङ्कटहरू केवल विश्वव्यापी जलवायु परिवर्तनका कारण प्राकृतिक प्रकोप मात्र होइनन्; हाम्रा अदूरदर्शी विकास निर्माणका प्रयासहरूमाथिको कडा प्रहार पनि हुन्।

यसले हामीलाई सोच्न बाध्य बनाएको छ- के हामी प्रकृतिसँग एकाकार भएर अघि बढ्दै छौं कि विकासको नाममा हाम्रा रैथाने पहाड र नदीहरूमाथि जबर्जस्ती अत्याचार गरिरहेका छौं ? बाह्य रूपमा चट्टान जस्तै बलियो र विशाल देखिने हाम्रा हिमाल र पहाडहरूको भित्री गर्भ वास्तवमा अत्यन्तै संवेदनशील छ।