अन्तिम समयमा बदलिएको एउटा निर्णय, बाढीबाट यसरी बाँचे चर्चित कलाकारहरू !

रसुवा–भोटेकोसी बाढीबाट चलचित्र ‘डबल ट्रिपल’को सम्पूर्ण टिम संयोगले जोगिएको खुलासा भएको छ । चलचित्रको फाइट सिनका लागि नुवाकोटको त्रिशूली किनारमा सुटिङ गर्ने तयारी र सबै व्यवस्थापन पूरा भइसकेको थियो । तर, त्रिशूलीकै जस्तो लोकेसन काठमाडौंको बालुवाखानीमा भेटिएपछि अन्तिम समयमा सुटिङको स्थान परिवर्तन गरियो ।

अभिनेता खगेन्द्र लामिछानेका अनुसार, प्रोडक्सन म्यानेजरले त्रिशूलीमै सुटिङ गर्नुपर्ने बताइरहे पनि निर्देशक अशोक शर्माले काठमाडौंमै सुटिङ गर्ने निर्णय गरे । खगेन्द्र भन्छन्, “अशोक दाइले त्रिशूली नै भए पनि जाउँन त भनेको भए हामी सुटिङका लागि त्रिशूली नै जाने थियौँ ।”