नेपाल काभा महिला भलिबलको सेमिफाइनलबाटै बाहिरियो

नेपाल काभा महिला भलिबल च्याम्पियनसिपको सेमिफाइनलबाट बाहिरिएको छ। बलियो प्रतिद्वन्द्वी इरानसँग बिहीबार ३–० को सोझो सेटमा पराजित हुँदै नेपाल उपाधि होडबाट बाहिरिएको हो।

राष्ट्रिय खेलकुद परिषद्को कभर्ड हलमा खचाखच दर्शकको समर्थन रहे पनि नेपालले अपेक्षाअनुसार प्रदर्शन गर्न सकेन। अपराजित इरानले कुनै पनि सेट नगुमाई फाइनलमा स्थान सुरक्षित गर्‍यो।