२०४२ सालको रसुवागढी : कालापानी जस्तै लाग्थ्यो

२०४२ सालमा गृह मन्त्रालयबाट रसुवाको सीमा प्रशासन अधिकृतमा सरुवा भएर त्यहाँ पुगेको थिएँ। सीमा प्रशासन कार्यालयको मुकाम टिमुरेमा थियो। टिमुरे पुग्न त्रिशूलीदेखि नै घटीमा ४ दिन पैदल हिँड्नुपर्दथ्यो।

टिमुरे पुगेपछि ‘कालापानी पुगेजस्तो’ हुन्थ्यो। दुई डाँडाको बीचको तल खोँचमा रहेकाले जाडोमा बिहान १० बजेतिर मात्रै घाम लाग्दथ्यो। बेत्रावतीदेखि गणेश हिमालको सोमदाङसम्म सिसा-जस्ता खानीका लागि ११० किमी सडक सेनाले निर्माण गरिराखेको थियो।