मलेसियास्थित नेपाली राजदूतावासले भन्यो– अवैध बाटो हुँदै थाइल्यान्ड र मलेसिया आउनु जोखिमपूर्ण

काठमाडौँ। मलेसियास्थित नेपाली राजदूतावासले नेपालबाट थाइल्यान्ड र सिङ्गापुर भई अवैध बाटोबाट मलेसिया आउने क्रम बढ्दो रहेको भन्दै सचेत गराएको छ ।

आइतबार रादूतावासले आफ्नो साप्ताहिक फेसबुक लाइभमार्फत यस्तो सचेत गराएको हो । राजदूतावासकी द्वितीय सचिव कुसुम पन्तले वैदेशिक रोजगारीको लोभमा पारेर एजेन्ट वा चिनेजानेका व्यक्तिहरूले थाइल्यान्डको भिजिट भिसामा ल्याई डुङ्गा चढाएर मलेसिया भित्र्याउने गरेको पाइएको बताइन्।