छिमेकमा ब्रिक्स सम्मेलन : नेपाल न टेबलमा, न मेनुमा ?

काठमाडौं- नयाँ दिल्लीमा शनिबार र आइतबार दुई दिनसम्म चलेको १८औँ ब्रिक्स शिखर सम्मेलनमा विश्वका उदाउँदा शक्तिहरू एकै ठाउँमा भेला भए । भारतको अध्यक्षतामा भएको सम्मेलनमा ब्राजिल, रूस, भारत, चीन, दक्षिण अफ्रिका, इजिप्ट, इथियोपिया, इन्डोनेसिया, इरान, साउदी अरेबिया र संयुक्त अरब इमिरेट्स गरी ११ सदस्य राष्ट्र सहभागी भए ।

भारतले ‘रेजिलियन्स, इनोभेसन, को-अपरेसन एन्ड सस्टेनेबिलिटी’लाई सम्मेलनको मूल विषय बनाएको छ । सम्मेलनले नयाँ दिल्ली घोषणापत्र पनि जारी गरेको छ, जसमा बहुपक्षीयता, विश्व संस्थाहरूको सुधार, आर्थिक सहकार्य, जलवायु परिवर्तन, ऊर्जा सुरक्षा, विकासशील मुलुकका हितलगायत विषय समेटिएका छन् ।