नेपाल ‘ए’ लाई टिम स्पर्धामा स्वर्ण, व्यक्तिगततर्फ सद्भावको अग्रता कायम

नेपाल ‘ए’ १२औं नेपाल अन्तर्राष्ट्रिय एमेच्योर गल्फ च्याम्पियनसिपको टिम स्पर्धामा स्वर्ण पदक जित्न सफल भएको दिन व्यक्तिगत स्पर्धामा पनि सद्भाव आचार्यले चुनौती जारी राखेका छन् ।

गोकर्ण गल्फ क्लबमा बिहीबार सद्भाव र राहुल विश्वकर्माको जोडीले भारतीय जोडीले तरुण सरदेशाई एकेडेमीलाई हराउँदै स्वर्ण जितेको हो । साबिक विजेता सद्भाव र राहुलको जोडीले १३ अन्डर २ सय ७५ को उत्कृष्ट प्रदर्शन गरे । भारतीय टोली १९ स्ट्रोकले पछि रह्यो । भारतकै तरूण सरदेशाई एकेडेमी दोस्रो र श्रीलंका तेस्रो भए ।