उशु खेलाडीको एसियाड तयारी स् मेहनतसँगै पूर्वाधार र लगानीको चुनौती

कविना बलामी,काठमाडौँ । एसियाडका लागि नेपाली उशु खेलाडीहरू पदक जित्ने लक्ष्यसहित तयारीमा जुटेका छन्। अन्तर्राष्ट्रिय प्रतियोगितामा नेपालको झण्डा गर्वका साथ फहराउने लक्ष्य बोकेका खेलाडीहरू नियमित प्रशिक्षणमा रहे पनि पर्याप्त लगानी, उपयुक्त प्रशिक्षणस्थल र आवश्यक खेल सामग्रीको अभाव भने चुनौतीका रूपमा देखिएको छ ।

उशु नेपालको खेल क्षेत्रमा विस्तारै आफ्नो पहिचान बनाउँदै गएको खेल हो। शारीरिक क्षमता, गति, सन्तुलन, अनुशासन र निरन्तर अभ्यास आवश्यक पर्ने उशुमा खेलाडीले विभिन्न प्रविधि र कौशल प्रदर्शन गर्छन्। अन्तर्राष्ट्रिय प्रतियोगितामा समेत प्रतिस्पर्धा गर्दै आएका नेपाली उशु खेलाडी अहिले एसियाडलाई लक्षित गरेर तयारी गरिरहेका छन्। एसियाडमा नेपालको प्रतिनिधित्व गर्दै पदक जित्ने लक्ष्यसहित खेलाडीहरू प्रशिक्षणमा व्यस्त छन्। उनीहरूका लागि यो केवल व्यक्तिगत सफलता हासिल गर्ने अवसर मात्र होइन, अन्तर्राष्ट्रिय खेलकुदको मञ्चमा नेपालको पहिचान स्थापित गर्ने अवसर पनि हो। त्यसैले खेलाडीहरू आफ्नो व्यक्तिगत कठिनाइलाई बिर्सेर देशका लागि उत्कृष्ट प्रदर्शन गर्ने तयारीमा छन्।