आर्कटिक जलक्षेत्रमा इन्टरनेट केबल निष्क्रिय पार्ने रुसी प्रयासलाई नेटोले रोकेको दाबी

एजेन्सी । यस वसन्त ऋतुमा दुर्गम स्वालबार्ड टापुसमूह नजिकैको आर्कटिक जलक्षेत्रको गहिराइमा नेटोका सहयोगीहरूले कुनै पनि प्रमाण नछाडी महत्त्वपूर्ण समुद्रमुनिका केबलहरूलाई निष्क्रिय पार्न डिजाइन गरिएको गोप्य हतियार प्रयोग गर्ने तालिम लिइरहेका रुसी पनडुब्बीहरूलाई रंगेहात फेला पारेका थिए ।

दुई पश्चिमी अधिकारीहरूले रोयटर्सलाई बताएअनुसार, उक्त गुप्त रुसी अभियान मस्कोको जीयूजीआई अन्डरसी वारफेयर निर्देशनालयद्वारा सञ्चालन गरिएको थियो । त्यसले परिष्कृत र विनाशकारी प्रविधिको तैनाथीको नक्कली अभ्यास (सिमुलेसन) गर्न गहिरो समुद्रमा जाने सबमर्सिबलहरू प्रयोग गरेको थियो ।