तुइनखोलामा निरन्तर पहिरो, समाधानको दीर्घकालीन उपाय खोजिँदै

चितवन- नारायणगढ-मुग्लिन सडकखण्डअन्तर्गत तुइनखोलामा पहिरो खस्ने क्रम नरोकिएपछि विशेष प्रविधि अपनाएर यसको दीर्घकालीन समाधान गर्न सडक डिभिजन कार्यालय लागिपरेको छ।

गत वर्षदेखि वर्षायाममा मात्र नभई हिउँदमा पनि पहिरो खस्ने र सडक अवरुद्ध हुने समस्या देखिएपछि ठूला ढुंगा पन्छाएर भिरको स्लोप (ढलान) बनाउँदै ‘नेलिङ’ (किला रड ठोकेर बलियो बनाउने) प्रविधि अपनाउने तयारी गरिएको हो।