एमसीसी परियोजना अन्तर्गत ४०० केभी प्रसारण लाइन निर्माण सम्पन्न

काठमाडौं– नेपाल–भारत सीमापार विद्युत् व्यापारका लागि रणनीतिक रूपमा महत्वपूर्ण मानिएको न्यू बुटवल सबस्टेसनदेखि भारत सीमासम्मको १८ किलोमिटर लामो ४०० केभी प्रसारण लाइन निर्माण सम्पन्न भएको छ।

मिलेनियम च्यालेञ्ज कर्पोरेशन (एमसीसी) नेपाल कम्प्याक्टअन्तर्गत मिलेनियम च्यालेञ्ज एकाउन्ट नेपाल (एमसीए–नेपाल) ले उक्त प्रसारण लाइन तोकिएको समयसीमाभित्रै निर्माण सम्पन्न गरेको जनाएको छ। ऊर्जा, जलस्रोत तथा सिँचाइ मन्त्रालयको अनुरोधपछि निर्माण कार्यलाई तीव्रता दिइएको थियो।