आफन्तको खोजी, कुशको शव बनाएर अन्त्येष्टि र विस्थापनको पीडाबीच तीज

भदौ लागेसँगै नेपाली समाजमा तीजको रौनक छाउने गर्थ्यो। घर–आँगनदेखि बजारसम्म रातो साडी, चुरा, पोते र गरगहनामा सजिएका महिलाको चहलपहल देखिन्थ्यो। दिदीबहिनी भेला भएर दर खान्थे, तीजका गीतमा रमाउँथे र माइती–चेलीको भेटघाटले चाडलाई आत्मीय बनाउँथ्यो।

तर यसपटकको तीजमा त्यो उल्लासमाथि बाढीको पीडा भारी परेको छ। रसुवाको भोटेकोशीमा भदौ १० गते आएको विनाशकारी बाढीले ठूलो मानवीय तथा भौतिक क्षति पुर्‍याएपछि तीजको दर खाने दिनसमेत धेरै परिवारका लागि उत्सवभन्दा शोक, प्रतीक्षा र अनिश्चितताको दिन बनेको छ।