शुक्लाफाँटामा हात्तीले दुई घर भत्कायो

कञ्चनपुरको शुक्लाफाँटा नगरपालिका ८ पिल्लरीफाँटा आज जङ्गली हात्तीको बथानले दुईवटा घर भत्काएको छ। जङ्गली हात्तीको बथानले शुक्लाफाँटा नगरपालिका ८ का सूर्य चौधरी र महेश नेपालको घर भत्काएको स्थानीय निरज जप्रेलले बताए।

हात्तीको बथान अहिले पनि गाउँ नजिकैको बैजनाथ सामुदायिक वनमा रहेको उनको भनाइ छ। हात्तीले बस्तीमै पसेर घर भत्काउन थालेपछि स्थानीयबासी त्रासमा छन्।