नयाँदिल्ली ब्रिक्स घोषणापत्र : बदलिँदो विश्वमा नयाँ शक्ति सन्तुलनको खोजी

काठमाडाैँ। ब्रिक्स राष्ट्रहरूले विश्व व्यवस्था थप न्यायपूर्ण, समावेशी र बहुपक्षीय बनाउनुपर्नेमा जोड दिँदै ‘नयाँदिल्ली घोषणापत्र–२०२६’ जारी गरेका छन्। भारतको नयाँदिल्लीमा सम्पन्न १८औँ ब्रिक्स शिखर सम्मेलनबाट जारी १४० अनुच्छेद र ४५ पृष्ठको यो घोषणापत्र पछिल्लो एक दशककै सबैभन्दा लामो ब्रिक्स घोषणापत्र हो।

घोषणापत्रले ब्रिक्सको बदलिँदो स्वरूप र बढ्दो कार्यक्षेत्रलाई पनि देखाएको छ। कुनै समय आर्थिक विकास र व्यापारमा केन्द्रित समूहका रूपमा स्थापित ब्रिक्स अहिले विश्व राजनीति, सुरक्षा, प्रविधि, ऊर्जा, जलवायु परिवर्तन, स्वास्थ्य, खाद्य सुरक्षा र विश्व शासन व्यवस्थासम्मका विषयमा साझा धारणा राख्ने मञ्च बनेको छ।